మణిపుర్‌లో హింస, కెనడాలో ఖలిస్థానీ హర్‌దీప్‌సింగ్ నిజ్జర్ హత్య, బుల్‌డోజర్ చర్యని ప్రస్తావిస్తూ భారత్‌లో మానవ హక్కుల ఉల్లంఘనలు జరిగాయంటూ అమెరికా విదేశీ వ్యవహారాల శాఖ విడుదల చేసిన నివేదికపై భారత విదేశాంగ శాఖ స్పందించింది. ‘’ఈ నివేదిక తీవ్ర పక్షపాతంతో కూడుకున్నది. భారత్‌ పట్ల అవగాహన లేమిని ఇది ప్రతిబింబిస్తుంది. మేము దీనికి ఎటువంటి విలువ ఇవ్వం. మీరు కూడా అలాగే పరిగణించండి,’’ అని తెలిపింది.