ప్రజల నుంచి వినతులు స్వీకరించి, వారికి అవసరమైన సమాచారాన్ని చేరవేసేందుకుగాను ఆంధ్రప్రదేశ్‌ ప్రభుత్వం వాట్సాప్‌ గవర్నెన్స్‌ సేవలకు శ్రీకారం చుట్టింది. ఈ సేవలను ఐటీ మంత్రి నారా లోకేష్ గురువారం ప్రారంభించనున్నారు. ఇందులో భాగంగా ప్రభుత్వం అధికారిక వాట్సాప్‌ నంబర్‌ ప్రకటించి తొలిదశలో 161 రకాల సేవలను అందిస్తుంది. సంక్షేమ పథకాలు, సర్టిఫికెట్లు, బిల్లుల చెల్లింపులు తదితర సేవలను వాట్సాప్‌ ద్వారా పొందవచ్చు.