ఉత్తరప్రదేశ్‌లో ఛప్రా-ముంబై అంత్యోదయ ఎక్స్‌ప్రెస్ రైలు డోర్ల అద్దాలు, కిటికీలను పగలగొడుతున్న వీడియో సోషల్ మీడియాలో వైరల్‌గా మారింది. ఓ వ్యక్తి రాయితో అద్దాన్ని ధ్వంసం చేసి, అసభ్య పదజాలంతో దూషించడం వీడియోలో నమోదైంది. బస్తీ రైల్వే స్టేషన్‌లో మరింత మంది ఎక్కకుండా కోచ్‌లోని ప్రయాణికులు లోపలి నుంచి తలుపు లాక్ చేసుకోవడంతో ప్రయాణికులు ఆగ్రహించి ఈ ఘటనకు పాల్పడ్డారని వార్తా కథనాలు తెలిపాయి.