వొడాఫోన్ ఐడియా (Vi)లో దాదాపు రూ.37 వేల కోట్ల విలువైన షేర్లను కొనుగోలు చేయడానికి కేంద్ర ప్రభుత్వం అంగీకరించింది. రూ.36,950 కోట్ల విలువైన స్పెక్ట్రమ్ వేలం బకాయిలను ఈక్విటీగా మార్చనుంది. "ఒక్కొక్కటి రూ.10 ఫేస్ వ్యాల్యూ కలిగిన 3,695 కోట్ల ఈక్విటీ షేర్లను రూ.10 ఇష్యూ ధరకు జారీ చేయాలని కంపెనీని ఆదేశించారు," అని Vi తెలిపింది. దీని తర్వాత Viలో ప్రభుత్వ వాటా 22.60% నుంచి 48.99 శాతానికి పెరుగుతుంది.