ఏడేళ్లలో తొలిసారిగా 2025 సెప్టెంబర్‌లో చైనా అమెరికా నుంచి సోయాబీన్స్‌ను దిగుమతి చేసుకోలేదని నివేదికలు తెలిపాయి. అమెరికా నుంచి చైనాకు సోయాబీన్ దిగుమతులు ఏడాది క్రితం 1.7 మిలియన్ మెట్రిక్ టన్నుల ఉండగా, గత నెలలో సున్నాకి పడిపోయాయని చైనా ప్రభుత్వ గణాంకాలు వెల్లడించాయి. అమెరికా దిగుమతులపై చైనా విధించిన అధిక సుంకాల కారణంగా ఎగుమతులు తగ్గాయి. కాగా, చైనా దిగుమతులపై అమెరికా సుంకాలను 130%కి పెంచింది.