వరుసగా రెండో రోజు జమ్ముకశ్మీర్, అమృత్‌సర్ సహా అనేక ఉత్తర భారత నగరాల్లో పాకిస్థాన్‌కు చెందిన డ్రోన్లు కనిపించాయని నివేదికలు తెలిపాయి. అయితే భారత ఎయిర్ డిఫెన్స్ సిస్టమ్ వాటిని కూల్చేసిందని పేర్కొన్నాయి. “ప్రస్తుతం నేను ఉన్న చోటు నుంచి కొన్ని చిన్నపాటి పేలుళ్ల శబ్దాలు, భారీ ఫిరంగులు పేలిన శబ్దాలు వినిపిస్తున్నాయి,” అని జమ్ము కశ్మీర్ ముఖ్యమంత్రి ఒమర్ అబ్దుల్లా సోషల్ మీడియాలో పోస్టు చేశారు.