హైదరాబాద్, బెంగళూరు, పుణె వంటి నగరాలలో జీవించటం చాలా కఠినంగా మారుతుందని ఇన్ఫోసిస్ వ్యవస్థాపకులు నారాయణ మూర్తి అన్నారు. “పెరుగుతున్న కాలుష్య స్థాయిలతో పాటు పట్టణాల్లో ప్రయాణం చాలా కష్టంగా మారింది. అక్కడి వారు జీవించలేని స్థితికి చేరుకుంటున్నారు. వాతావరణ మార్పులను నియంత్రించడంలో భారత్‌ విఫలమైతే, ఈ నగరాలకు రాష్ట్రాలలోని గ్రామీణ ప్రాంతాల నుంచి భారీగా సామూహిక వలసలు పెరుగుతాయి,” అని ఆయన పేర్కొన్నారు.