ఓ యువతి కుక్క రొమ్ము పాలు తాగుతున్న వీడియో సోషల్ మీడియాలో వైరల్‌గా మారింది. ఆమె పడుకుని ఉన్న శునకం వద్దకు వెళ్లి, దాని చనుబాలు చప్పరిస్తూ తాగడం వీడియోలో కనిపించింది. రీల్స్‌ కోసం సదరు యువతి ఇలా ప్రవర్తించినట్లు సమాచారం. ‘’ఫేమస్ కావడం కోసం ఇలాంటి చీప్ ట్రిక్స్ ఉపయోగిస్తారా,’’ అని సోషల్‌ మీడియా యూజర్‌ ఒకరు దుయ్యబట్టారు. ‘’సమాజం అసలు ఎటు పోతోంది,’’ అని మరొకరు కామెంట్‌ చేశారు.

రేడియంను కనిపెట్టి నోబెల్ బహుమతి గెలిచిన మేడం మేరీక్యూరీ 1934లో చనిపోగా, ఆమె మృతదేహాన్ని సీసపు పెట్టెలో ఉంచి ఖననం చేశారు. రేడియంపై ప్రయోగాల ప్రభావంతో ఆమె శరీరం నుంచి రేడియేషన్‌ వెలువడడమే దీనికి కారణం. ఆమె వాడిన నోట్‌బుక్‌ నుంచి ఇప్పటికీ రేడియేషన్‌ వెలువడుతోంది. దానిని ముట్టుకున్న వారి ప్రాణాన్ని అది తీసేయగలదు. ఆ నోట్‌బుక్‌లో మరో 1,500 ఏళ్ల పాటు రేడియేషన్‌ ఉంటుందని శాస్త్రవేత్తలు చెప్తున్నారు. 

రాజస్థాన్‌కు చెందిన 12 ఏళ్ల సుశీల మీనా అనే బాలిక బౌలింగ్ విధానం, భారత మాజీ పేసర్ జహీర్ ఖాన్ యాక్షన్‌ను తలపించేలా ఉందని సచిన్ టెండూల్కర్ ప్రశంసించారు. ఆమె చాలా సహజంగా బౌలింగ్ వేస్తుందని, చూడటానికి అద్భుతంగా ఉందని వీడియోను సోషల్ మీడియాలో షేర్ చేశారు. జహీర్ నువ్వు ఇది చూశావా అంటూ ఆయనను ట్యాగ్ చేయగా, మీరు గుర్తించాక నేను చెప్పాల్సిందేముంది అని జహీర్ రిప్లై ఇవ్వడం గమనార్హం.

భారత ఆల్ రౌండర్ రవీంద్ర జడేజా విలేకరుల సమావేశంలో ఇంగ్లీష్‌లో మాట్లాడకపోవడంతో ఆస్ట్రేలియా మీడియా విమర్శించింది. అయితే కాన్ఫరెన్స్‌ కేవలం భారత మీడియా బృందంతో మాత్రమే అని సమావేశం తర్వాత చెప్పారని 7న్యూస్ పేర్కొంది. కాగా ఇందులో పాల్గొన్న భారతీయ జర్నలిస్ట్ సుభయన్ చక్రవర్తి, ఆస్ట్రేలియా మీడియా ఎల్లప్పుడూ అనవసరమైన వివాదాలను రేకెత్తించడానికి ప్రయత్నిస్తుందని అన్నారు.

విరాట్ కోహ్లీకి చెందిన బెంగళూరులోని 'వన్8 కమ్యూన్' పబ్‌ను అగ్నిమాపక భద్రతా ఉల్లంఘనలు, అగ్నిమాపక శాఖ NOC లేకుండా నిర్వహిస్తున్నారని నెల రోజుల్లో BBMP రెండో నోటీసును జారీ చేసింది. నవంబర్ 29న జారీ చేసిన మొదటి నోటీసుకు రిప్లై ఇవ్వలేదని, దీంతో వారం రోజుల్లో సమాధానం ఇవ్వాలని మళ్లీ నోటీసులు జారీ చేసినట్లు అధికారులు తెలిపారు. కాగా జులైలో అర్ధరాత్రి ఒంటిగంటకు మించి తెరిచి ఉంచినందుకు ఈ పబ్‌పై FIR నమోదైంది.

మధ్యప్రదేశ్ భోపాల్‌లోని అడవిలో ఇన్నోవా కారులో రూ.40 కోట్ల విలువైన 52 కిలోల బంగారం, రూ.10 కోట్ల నగదును వదిలేసిన వ్యక్తిని రవాణా శాఖలోని మాజీ కానిస్టేబుల్ సౌరభ్ శర్మగా గుర్తించారు. తండ్రి మరణంతో కారుణ్య నియామకం కింద చేరిన అతను నెలకు రూ.40,000 జీతంతో 7 ఏళ్లు పనిచేసి, ఏడాది క్రితం VRS తీసుకున్నాడని సమాచారం. లోకాయుక్త సోదాల్లో ఆయన ఇల్లు, కార్యాలయంలో రూ.2.85 కోట్ల నగదు స్వాధీనం చేసుకున్నారు.

గర్ల్‌ఫ్రెండ్ స్వాపింగ్ రాకెట్‌ను బెంగళూరు సెంట్రల్ క్రైమ్ బ్రాంచ్ ఛేదించి, ఇద్దరు నిందితులను అరెస్టు చేసింది. విచారణలో భాగంగా నిందితుల సెల్‌ఫోన్లలో పలువురు అమ్మాయిల అసభ్య చిత్రాలు, వీడియోలు ఉన్నట్లు అధికారులు గుర్తించారు. ఈ అశ్లీల ఫొటోలు, వీడియోలతో యువతులను బెదిరిస్తూ ఇతరులతో సంబంధాలు పెట్టుకోవాలని నిందితులు బలవంతం చేసేవారని పోలీస్ అధికారి తెలిపారు. ఓ యువతి ఫిర్యాదుతో ఈ విషయం బయటపడింది.

మూడు రోజుల క్రితం ముంబై తీరంలో పర్యాటకులతో వెళ్తున్న ఫెర్రీని భారత నేవీ స్పీడ్ బోట్ ఢీకొన్న ప్రమాదంలో అదృశ్యమైన ఏడేళ్ల బాలుడు అహ్మద్ పఠాన్ మృతదేహం శనివారం లభ్యమైంది. దీంతో ఈ ఘటనలో మృతి చెందిన వారి సంఖ్య 15కి చేరింది. కాగా, ప్రమాదానికి గురైన సమయంలో ఫెర్రీలో 113 మంది ఉండగా, వారిలో 98 మందిని అధికారులు రక్షించారు.

తన తాత అయిన 101 ఏళ్ల మంగళ్‌ సైనీ హండాను కలవాలని ఓ మహిళ కువైట్ పర్యటనలో ఉన్న ప్రధాని నరేంద్ర మోదీని కోరారు. గతంలో ఇండియన్ ఫారిన్ సర్వీస్‌లో పనిచేసిన హండా, ప్రస్తుతం కువైట్‌లో ఉంటున్నారని ఆమె పేర్కొంది. ‘’ఆయనకు మీరంటే ఎంతో అభిమానం. వివరాలను మీ ఆఫీసుకి పంపాను,’’ అని ఎక్స్‌లో తెలిపింది. ప్రధాని మోదీ ఈ పోస్టుకు స్పందిస్తూ, ‘కచ్చితంగా! ఈ రోజు కువైట్‌లో హండాను కలిసేందుకు ఎదురుచూస్తున్నా,’’ అని చెప్పారు.

హైదరాబాద్, బెంగళూరు, పుణె వంటి నగరాలలో జీవించటం చాలా కఠినంగా మారుతుందని ఇన్ఫోసిస్ వ్యవస్థాపకులు నారాయణ మూర్తి అన్నారు. “పెరుగుతున్న కాలుష్య స్థాయిలతో పాటు పట్టణాల్లో ప్రయాణం చాలా కష్టంగా మారింది. అక్కడి వారు జీవించలేని స్థితికి చేరుకుంటున్నారు. వాతావరణ మార్పులను నియంత్రించడంలో భారత్‌ విఫలమైతే, ఈ నగరాలకు రాష్ట్రాలలోని గ్రామీణ ప్రాంతాల నుంచి భారీగా సామూహిక వలసలు పెరుగుతాయి,” అని ఆయన పేర్కొన్నారు.

కోల్‌కతాలోని కాళీఘాట్ మెట్రో స్టేషన్‌లో ఓ జంట బహిరంగంగా ముద్దుపెట్టుకుంటున్న వీడియో వైరల్‌గా మారింది. ప్రయాణికులు పక్కనే తిరుగుతున్నా పట్టించుకోకుండా యువతీ, యువకుడు ఒకరినొకరు గట్టిగా కౌగిలించుకుని, రొమాన్స్‌ చేయడం ఆ వీడియోలో కనిపించింది. ‘పబ్లిక్‌లో ఇలా ప్రవర్తించొద్దు’ అంటూ ఓ వ్యక్తి విమర్శించగా, ‘రోడ్డు పక్కన మూత్ర విసర్జన చేయొచ్చు కానీ, ముద్దు పెట్టుకోకూడదా?’ అంటూ మరొకరు కామెంట్‌ పెట్టారు.

హుండీలో జారిపడ్డ భక్తుడి ఐఫోన్‌ను తిరిగి ఇవ్వడానికి ఆలయ అధికారులు నిరాకరించిన ఘటన చెన్నై సమీపంలోని తిరుపోరూర్‌లోని అరుల్మిగు కందస్వామి ఆలయంలో చోటుచేసుకుంది. జేబులోంచి డబ్బులు తీస్తుండగా పొరపాటున తన ఫోన్ హుండీలో పడిపోయిందని ఆ భక్తుడు చెప్పాడు. ఆ ఐఫోన్‌లోని సిమ్‌కార్డుని తీసుకోవడానికి, డేటాను మరో ఫోనులోకి ఎక్కించుకోవడానికి దేవస్థానం అనుమతి ఇచ్చింది.

30 ఏళ్ల మహిళ సంధ్యను తమిళనాడు కన్యాకుమారి జిల్లాలో దారుణంగా చంపిన ఆమె భర్త 35 ఏళ్ల మరిముత్తును పోలీసులు అరెస్టు చేశారు. సంధ్య ప్రవర్తనపై అనుమానం పెంచుకున్న మరిముత్తు, ఆమెను ఇంట్లోనే నరికి చంపి శరీరాన్ని ముక్కలుగా చేసి 2 బ్యాగుల్లో పెట్టాడు. వాటిని పారవేసేందుకు తీసుకెళ్తుండగా కుక్కలు అతడిని చూస్తూ మొరిగాయి. అనుమానంతో బ్యాగ్‌లను తెరిచిన స్థానికులు, మృతదేహాన్ని గుర్తించి అతన్ని పోలీసులకు పట్టించారు.

రష్యాలోని కజాన్‌ నగరంలో 9/11 తరహా దాడిలో పలు భవనాలను ఉక్రేనియన్ డ్రోన్‌లు ఢీకొన్నాయి. సంబంధిత వీడియోలో సోషల్ మీడియాలో ప్రత్యక్షమయ్యాయి. ఎనిమిది డ్రోన్లు నగరంపై దాడి చేశాయని అధికారులు తెలిపారు. ఇందులోని ఆరు డ్రోన్లు నివాస సముదాయాలపై దాడి చేశాయని, ఇంకొకటి పారిశ్రామిక కేంద్రాన్ని ఢీకొట్టిందని తెలిపారు. మరొకదానిని నదిపై కూల్చేశామని అధికారులు ప్రకటనలో తెలిపారు.

క్రెడిట్ కార్డ్ లేట్ బిల్ పేమెంట్లపై ఏడాదికి 30% కంటే ఎక్కువ వడ్డీ వసూలు చేయకూడదంటూ జాతీయ వినియోగదారుల వివాదాల పరిష్కార కమిషన్-NCDRC జారీ చేసిన ఉత్తర్వును సుప్రీంకోర్టు శుక్రవారం కొట్టివేసింది. కార్డు హోల్డర్ల నుంచి ఏడాదికి 36-49% వరకు వడ్డీ వసూలు చేయడం అన్యాయమైన వాణిజ్య పద్దతి అని 2008లో NCDRC పేర్కొనగా, కోర్టు దీనిని తొలగిస్తూ బ్యాంకులకు తమ సొంత వడ్డీ రేటు నిర్ణయించుకునే వెసులుబాటు కల్పించింది.

సంధ్య థియేటర్‌ తొక్కిసలాట ఘటనతో కోమాలో ఉన్న బాలుడిని పరామర్శించకుండా, ఒక్కరోజు జైలుకెళ్లి వచ్చిన అల్లు అర్జున్ వద్దకు వెళ్లి సినీ ప్రముఖులు ప్రభుత్వంపై విమర్శలు చేస్తున్నారని తెలంగాణ సీఎం రేవంత్ రెడ్డి అన్నారు. అల్లు అర్జున్‌కు ఏమైనా కన్ను పోయిందా? కాలు విరిగిందా? చేయి విరిగిందా? కిడ్నీలు చెడిపోయాయా? ఏమైంది? అని ప్రశ్నించారు. తల్లి చనిపోయి, కోమాలో కొడుకున్న కుటుంబాన్ని పరామర్శించారా? అని అన్నారు.

కన్ను పోయిందా, కాలు పోయిందా? ఎందుకు సినీ ప్రముఖులు వెళ్లి పరామర్శిస్తున్నారు? అని తెలంగాణ అసెంబ్లీలో సీఎం రేవంత్‌ చేసిన వ్యాఖ్యల నేపథ్యంలో అల్లు అర్జున్‌ ప్రెస్‌మీట్‌ ఏర్పాటు చేశారు. కాగా 'పుష్ప 2' ప్రీమియర్‌ షో కోసం సంధ్య థియేటర్‌కు రావొద్దని పోలీసులు చెప్పినా వినకుండా అల్లు అర్జున్ థియేటర్‌కు వచ్చారని సీఎం ఆరోపించారు. ఒకరు చనిపోయారని చెప్పినా, తొలుత వెళ్లేందుకు ఒప్పుకోలేదని చెప్పారు.

ఏపీ ఫైబర్‌నెట్‌ కార్పొరేషన్ ఛైర్మన్‌ జీవీరెడ్డి ఆదేశాలతో దర్శకుడు రామ్‌గోపాల్‌ వర్మ, ఫైబర్ నెట్‌ మాజీ ఎండీ సహా మొత్తం ఐదుగురికి లీగల్‌ నోటీసులు జారీ అయ్యాయి. ఏపీ ఫైబర్‌నెట్‌ ఛానల్‌లో ‘వ్యూహం’ సినిమాకు ఒక్కో వ్యూకు రూ.100 చెల్లించే నిబంధనలకు విరుద్ధంగా, వ్యూస్‌ లేకున్నా ఫైబర్‌నెట్‌ నుంచి రూ.1.15 కోట్ల మేర అనుచిత లబ్ధి పొందారని నోటీసులో పేర్కొన్నారు. 15 రోజుల్లోపు వడ్డీతో సహా ఆ మొత్తం కట్టాలన్నారు.

తెలంగాణలో ఇకపై సినిమా విడుదలకు ముందు రోజు ఎలాంటి బెనిఫిట్‌ షోలు ఉండవని, టికెట్ల రేట్ల పెంపునకూ అనుమతివ్వబోమని మంత్రి కోమటిరెడ్డి వెంకట్‌రెడ్డి తెలిపారు. ‘పుష్ప 2’ ప్రీమియర్‌ షో సందర్భంగా సంధ్య థియేటర్‌లో తొక్కిసలాట ఘటనలో మృతి చెందిన రేవతి కుటుంబానికి రాష్ట్ర ప్రభుత్వం తరఫున రూ.25 లక్షలు ఇవ్వనున్నట్లు చెప్పారు. బాలుడి కుటుంబానికి పరిహారం ఇస్తామన్న హామీని అల్లు అర్జున్‌ నిలబెట్టుకోలేదన్నారు.

ప్రజల ప్రాణాలు పోయే ఘటనలు జరుగుతాయంటే సినీ పరిశ్రమకు ప్రత్యేక రాయితీలు కల్పించబోమని తెలంగాణ సీఎం రేవంత్ అసెంబ్లీలో అన్నారు. “నేను సినీ ప్రముఖులకు చెప్పేది ఒకటే. సినిమాలు తీసుకోండి, వ్యాపారం చేసుకోండి. డబ్బులు సంపాదించుకోండి. ప్రభుత్వం నుంచి రాయితీలు, ప్రోత్సాహకాలు తీసుకోండి. ప్రజల ప్రాణాలు పోయే ఘటనలు జరిగితే నేను కుర్చీలో ఉన్నంత వరకూ ప్రత్యేక మినహాయింపులు ఉండవు,” అని చెప్పారు.

సంధ్య థియేటర్‌ వద్ద జరిగిన ఘటనపై తెలంగాణ సీఎం రేవంత్‌ అసెంబ్లీలో ప్రకటన విడుదల చేశారు. “పోలీసులు అనుమతి ఇవ్వకపోయినా ‘పుష్ప 2’ ప్రీమియర్‌ షో రోజున రు రూఫ్‌టాప్‌ నుంచి చేతులు ఊపుతూ అల్లు అర్జున్‌ థియేటర్‌ వద్దకు వచ్చారు. దీంతో తొక్కిసలాటలో రేవతి చనిపోగా, ఆమె కుమారుడికి బ్రెయిన్‌ డ్యామేజ్ అయింది. ఈ విషయం అల్లు అర్జున్‌కు చెప్పినా సినిమా పూర్తయ్యే వరకు వెళ్లనని చెప్పారు. చివరకు వెళ్లారు,” అని అన్నారు.

ఏపీలో ఆర్టీసీ బస్సుల్లో మహిళలకు ఉచిత బస్సు ప్రయాణ పథకంపై మంత్రుల కమిటీని ఏర్పాటు చేస్తూ ఏపీ ప్రభుత్వం ఉత్తర్వులు జారీ చేసింది. ఇతర రాష్ట్రాల్లో అధ్యయనం చేసి సిఫారసు చేయాలని కమిటీకి సూచించింది. రవాణాశాఖ మంత్రి ఎం.రామ్‌ప్రసాద్‌రెడ్డి సారథ్యంలో ఏర్పాటు చేసిన కమిటీలో కన్వీనర్‌గా రవాణాశాఖ ముఖ్యకార్యదర్శి, సభ్యులుగా మంత్రులు వంగలపూడి అనిత, గుమ్మడి సంధ్యారాణి ఉన్నారు.

‘పుష్ప 2’ ప్రీమియర్‌ షో సందర్భంగా సంధ్య థియేటర్‌ వద్ద జరిగిన తొక్కిసలాటలో గాయపడి చికిత్స పొందుతున్న బాలుడు శ్రీతేజ్‌ ఆరోగ్యం నిలకడగా ఉందని హైదరాబాద్‌లోని కిమ్స్‌ ఆస్పత్రి వైద్యులు తెలిపారు. వెంటిలేటర్ సాయం లేకుండానే శ్రీతేజ్‌ శ్వాస తీసుకుంటున్నట్లు పేర్కొన్నారు. బాలుడికి అప్పుడప్పుడు జ్వరం వస్తోందని, నిన్నటితో పోల్చితే శ్రీతేజ్ ఆరోగ్యం మెరుగుపడినట్లు శనివారం కిమ్స్ వైద్యులు బులిటెన్‌లో చెప్పారు.

పార్వతీపురం మన్యం జిల్లా పర్యటనలో భాగంగా డిప్యూటీ సీఎం పవన్ కల్యాణ్ శుక్రవారం స్థానిక గిరిజన మహిళలతో కలిసి థింసా నృత్యం చేసిన వీడియో ఆన్‌లైన్‌లో కనిపించింది. వర్షం పడి ప్రాంతమంతా బురదమయంగా మారినా పాదాలకు చెప్పులు లేకుండానే, డప్పు చప్పుళ్లకు అనుగుణంగా వారితో కాలు కదిపారు. గిరిజన గ్రామాల్లో డోలీల బాధలు ఉండకూడదనే ఉద్దేశంతో రోడ్ల నిర్మాణానికి శంకుస్థాపన చేసిన పవన్, కాలినడకనే ఏజెన్సీలో పర్యటించారు.

ఏడు నెలల గర్భిణి అయిన తన భార్య కనిపించడం లేదని, ఆమె లెస్బియన్ భాగస్వామితో కలిసి పారిపోయిందని ఆరోపిస్తూ అహ్మదాబాద్‌కు చెందిన ఓ వ్యక్తి గుజరాత్ హైకోర్టులో పిటిషన్ దాఖలు చేశారు. అక్టోబరులో తన భార్య ఇంటి నుంచి వెళ్లిపోయిందని, ఆమె జాడను గుర్తించాలని కోరాడు. ఆ మహిళలిద్దరూ స్వలింగ సంపర్కులని, అదృశ్యమైన మహిళకు పెళ్లికి ముందు తన స్నేహితురాలితో రిలేషన్‌షిప్‌లో ఉందని పోలీసుల విచారణలో తేలింది.